नृत्य निर्देशक शंकर बीसी लाइ पाखा लगाई कविराज गहतराज को मात्र नाम लिएकोमा आपत्ति

धरानमा आयोजना भएको ‘राष्ट्रिय चलचित्र महोत्सव’का लागि दुख गरेका नृत्य निर्देशक शंकर बीसी निराश भएर फर्किएका छन् । महोत्सवको उद्घाटनको दिन स्टेजमा प्रस्तुत गरिएका विभिन्न गीतलाई उनले कोरियोग्राफी गरेका थिए ।तर कार्यक्रममा अर्का कोरियोग्राफर कविराज गहतराजको मात्र नाम आएपछि उनी निराश भएका हुन् ।
शंकर र कविराज मिलेर नेपाली चलचित्रका पुराना र नयाँ गीतमा गरिएको नृत्यलाई कोरियोग्राफी गरेका थिए । तर स्टेजबाट सबै गीतको नृत्य निर्देशक कविराज गहतराज मात्र भन्दा शंकर आक्रोशित पनि देखिएका छन् । निक्कै निराश भएका शंकर आइतबार बिहानै प्लेन मार्फत काठमाण्डौ फर्किएका थिए ।
अनलाइनखबरसँग उनले भने, ‘दैनिक बिकास बोर्ड धाएर ४ वटा गीतको कोरियोग्राफी गरे तर आयोजकले मलाई धोका दियो ।’ उनी उद्घाटन कार्यक्रममा सहभागी हुनकै लागि दाङबाट मध्यरात धरान पुगेका थिए ।
उद्घाटन कार्यक्रम भएकै दिन पञ्चकन्या रिसोर्टमा आयोजना गरिएको पार्टीमा शंकर धेरै भएका थिए । गाडीमा उनी चढेपछि चलचित्र बिकास बोर्डका सदस्य निलहरी काफ्लेले मान्छे धेरै भएको गुनासो गरेका थिए । शंकरले भने, ‘उहाँले म प्रति इङकित गर्दै मान्छे धेरै भएको बताएपछि मैले नै नजादा हुन्छ भनेको थिए, यसपश्चात उहाँले नजादा हुन्छ भनेपछि म गाडीबाट ओर्लिए । उक्त गाडीमा नायिका र केही कलाकार मात्र थिए ।उक्त प्रस्तुति को भिडियो हेर्न तलको बक्स मा क्लिक गर्नुहोला ।