रेखा थापाले ‘कन्ट्री डेभलोपमेन्ट’ भन्दै अंगेजीमा यस्तो भाषण गरिन

उसै त नेपाली कलाकारहरु अंग्रेजी भाषामा आफ्नो भनाई राख्दा चर्को आलोचना र हाँस्यको पात्र बनेका छन् । बर्ष दिन अघि नायिका सुमिना घिमिरेले एक अवार्ड कार्यक्रममा पुरस्कार पाएपछि बोलेको अंग्रेजीले सर्वाधिक आलोचना भोगेको थियो । सुमिनाको उक्त अंग्रेजी मन्तव्यलाई सामाजिक संजालमा नेपाली नायिकाको झुर अंग्रेजी भन्दै आलोचना पनि गरिएको थियो । अब नेपालकी नम्बर १ नायिका भनिएकी रेखा थापाले केही दिन अघि अंग्रेजीमा दिएको एक अन्र्तवार्ताले पनि यस्तै चर्चा पाइरहेको छ । सामाजिक सञ्जाल फेसबुक देखि युट्युबमा रेखाको यो अंग्रेजी अन्र्तवार्ताको छोटो अंशले आलोचना भोगिरहेको छ । रेखाले प्रयोग गरेको अंग्रेजी शब्द र उनको भाषा देखेर धेरै दर्शक हाँसिरहेका छन् । उनले यो अन्र्तवार्ता एकिकृत नेकपा माओवादीमा प्रवेश गरेपछि एक मिडियालाई दिएकी हुन् । तर रेखाले अंग्रेजी भाषा बोल्दा प्रयोग गरेको शब्द नायिका सुमिना घिमिरेको भन्दा पनि कमजोर देखिन्छ । अंग्रेजी बोल्दा निक्कै नर्मस देखिएकी रेखाले सामान्य भाषा पनि प्रयोग गर्न सकेकी छैनन् । केही समय अघि अमेरिकाबाट फर्किएपछि उनले अमेरिकामा बस्ने नेपालीहरु ‘होमलेस’ भएका छन् भनेर एक मिडियालाई अन्र्तवार्ता दिएकी थिइन् । तर रेखाले पछि आफूले ‘होमसिक’ भन्न खोजेको भन्दै सच्चाएकी थिइन् । अमेरिकाका नेपाली घर संझेर पिडित भएका रहेछन् भन्न खोजेकी रेखाले ‘होमलेस’ भन्दा धेरैले हाँसोमा उडाएका थिए । रेखाले एकिकृत नेकपा माओवादी देश विकासमा अंग्रसर छ भन्दै ‘कन्ट्री डेभलोपमेन्ट’ भन्दै दिएको अन्र्तवार्ताको छोटो अंश यहाँ प्रस्तुत गरिएको छ । यो अन्र्तवार्ता हेरिसकेपछि रेखाको अंग्रेजी कस्तो रहेछ भनेर छुट्टयाउने जिम्मा दर्शकलाई नै ।

Category: gossip, wonder